--Ads--
Kinondena ti Philippine National Police ti pannakaaramat ti uniporme ti pulis kas Halloween costume kalpasan a nagwaras iti social media ti ladawan ti maysa a lalaki a nakasuot iti nasao a uniform ken pinisanganna pay ti manggasna.
Segun ken ni PNP Acting Chief PLt. Gen. Jose Melencio Nartatez Jr., panangbastos daytoy iti dayaw ti intero a hanay ti kapulisan.
Maibasar iti PNP, ti saan a husto a panagaramat wenno panangisuot iti police uniform ti asino man a saan a kameng ti organisasion ket maibilang a panaglabsing iti Article 179 ti Revised Penal Code.
Gapu dayta, imbilin ni Nartatez ti pannakaisayangkat ti imbestigasion tapno mabigbig ken mapilaan iti kaso dagiti karaman iti viral post.
-- ADVERTISEMENT --
