Inruaren ti pulisya ti listaan dagiti maiparit a paputok para iti Baro a Tawen.
Karaman kadagitoy ti watusi, piccolo, poppop, five star (big), pla-pla, lolo thunder, giant bawang, giant whistle bomb, special, atomic bomb, atomic triangle, large-size Judas belt, goodbye delima, hello Columbia, goodbye napoles, super yolanda, mother rockets, kingkong, kwiton, super lolo, goodbye bading, goodbye philippines, bin laden, coke-in-can, pillbox, kabasi, tuna ken goodbye chismosa.
Segun kenni PRO3 Regional Director PBGEN Redrico Maranan, ti gagemna daytoy ket tapno malapdan ti aksidente ken pannakadangran.
Immapela pay iti publiko a saanda nga agusar kadagiti maiparit a paputok ken agpaskua a natalged.
Kabayatanna, sumango iti pannusa ti siasinoman a manglabsing iti linteg.
