Innem manipod walo a paltog a rehistrado iti nagan ni David Tan Liao, principal suspek ti kidnapping ken murder ni steel magnate Anson Que ken driver na a ni Armanie Pabillo iti naipaima iti Philippine National Police (PNP).
Segun ken ni PNP Spokesperson Brig. Gen. Jean Fajardo, insuko ni Liao dagiti paltogna kalpasan nga in-revoke ti Firearms and Explosives Office iti license to own and possess firearms-na.
Ti serial numbers dagiti lima a paltog ket adda pay laeng idinto a ti maika-innem ket saanen a malasin.
ti maysa kadagiti paltogna ket iggem ni Richard Austria a sabali pay a suspek iti pammapatay ken ni Que.
Insuko pay ni Liao iti PNP idi April 19 kalpasan a nakemmeg dagiti suspek a da Austria ken Reymart Catequista.
Kinuna ni PNP Chief Gen. Rommel Francisco Marbil nga ikonsiderarda ni Liao a mastermind iti kidnap-slay ken ni Que.
Dagiti dadduma nga ibilang ni Marbil a mastermind ket da Gong Wenli, alyas Kelly Tan Lim ken sabali pay a saan a nabigbig.
