Indeploy ti Philippine National Police ti 37,000 officers iti intero a pagilian tapno siguradoen ti kinatalged iti publiko ken pagtalinaeden ti linak ken talna bayat ti panangsarabo iti baro a tawen.
Impaganetget ni PNP Chief Gen. Rommel Francisco Marbil ti critical role iti law enforcement bayat ti holiday season kangrunaan iti panagtignay ti risgo nga ipaay iti paputok, fire hazards ken revelry-related accidents.
Pinalagipanna pay dagiti police officer nga agtalinaed nga alerto ken agsagana iti panagresponde kadagiti emergency pakairamanan ti fire incidents, accidents ken panangipaay ti first aid nu kasapulan.
Segun ken ni Marbil, binilinna amin a mobile units nga itugot latta ti safety devices ken first aid kits tapno masigurado iti napaspas a tulong a maipaay.
Inallukoyna pay iti publiko nga ireportda kadagiti otoridad dagiti makapadu-dua nga aktibidad a madlawda.
