--Ads--
Inallukoy ni Philippine National Police (PNP) chief Gen. Nicolas Torre III dagiti opisial ti barangay a papigsaenda ti laban iligal a droga.
Segun ken ni Torre, nasken nga ingetan ti Barangay Anti-Drug Abuse Councils (BADACs) ti panangbantayda kontra iti iligal a droga gapu iti panagbaliw iti wagas dagiti drug pusher.
Innayon ni Torre a kada barangay ket ibilang ti PNP a frontline post iti pananglaban iti iligal a droga.
Gagemda a maparmek ti pagtataudan ti iligal a droga ken maikkan gundaway dagiti agar-aramat nga agbalbaliw.
-- ADVERTISEMENT --
Maipalagip iti rekord ti Philippine Drug Enforcement Agency (PDEA) manipud Hulyo 1, 2022 agingga Hunyo 30, 2025 ket nakumpiskarda iti agdagup P82.79 bilion nga gatad ti iligal a droga.
