Inkalintegan ti Philippine National Police (PNP) a dimmalan iti husto ken legal a proseso ti pannaka-kompiskar dagiti luxury cars ni dati nga Ako Bicol Partylist Rep. Zaldy Co.
Segun ken ni Acting PNP Chief PLtGen. Jose Melencio Nartatez Jr., sinurot dagiti otoridad ti proseso a basar iti valid ken agdama a linteg tapno masigurado a ti operasion ket maibilang a transparent, panang-dayaw iti due process ken karbengan dagiti karaman.
Kas sungbat iti statement ti legal counsel ni Co, pinasingkedan ni Nartatez a ti operasion ket naisayangkat babaen iti maysa a bilin a sinurot dagiti pannakabagi ti linteg.
Impasigurado pay ni Nartatez nga agtalinaed nga aktibo ti PNP para iti agtultuloy nga imbestigasion ken pannakakemmeg dagiti karaman a personalidad iti maanomalya a flood control projects.
