Impasigurado ti Philippine National Police a maited ti maiparbeng a tulong medical ken suporta ken ni Police Staff Sergeant Noli Miraña ti San Jose, Camarines Sur, kasaruno ti panangdangran kenkuana ti maysa a lalaki anagprobokar.
Nagresponde ti unit nga idadaulwan ni Miraña kalpasan a Nakaawat iti report nga adda maysa nga armado a lalaki a mapapati nga agparparikut ti panunotna.
Pinadas a kapatang dagiti pulis ti nasao a lalaki a nakaiggem iti buneng ngem nagbalin a naranggas ti sitwasion idi bigla a rinaut ti nasao nga indibidual dagiti pulis, isu a natwang ni Miraña ket naputed ti imana ken nadunor ti rupana.
Gapu dayta, pinaputukan dagiti pulis ti nasao nga indibidual ket natirwan ti agsinnumbangir a luppona isu a napasardeng.
Dinayaw met ni PNP Chief General Jose Melencio Nartatez Jr. ni Miraña ken dagiti kaduana gapu iti kinatured ken propesyonalismoda iti napeggad a sitwasion.
