Impasa ti Philippine National Police (PNP) ti nayon a files ken dokumento iti Department of Justice (DOJ) kas paset ti agtultuloy nga imbestigasyon iti kaso dagiti mapukpukaw a mannadi.
Segun ken ni PNP Acting Chief Lt. Gen. Jose Melencio Nartatez Jr., ti pannakaipasa dagiti nasao a file ket paset ti agtultuloy a tignay tapno makaaramid iti natibtibker ken credible case.
Dagiti nasao dokumento ket naglaon iti nayon nga ebidensya a naala babaen ti painstaking investigation ken adda itan iti Department of Justice para iti husto nga evaluation.
Saan met a mabalin nga iruar dagiti detalye gapu iti kinasensitibo iti kaso ken patienda a makatulongda tapno madusa dagiti responsable.
Impasa payen ti Criminal Investigation and Detection Group (CIDG) ti lima a flash drives ken baro a witness affidavits iti DOJ prosecutors nga akin-iggem iti preliminary investigation kadagiti mapukpukaw a mannadi.
