Imbilin ni Philippine National Police (PNP) Chief PGen. Jose Melencio Nartatez Jr. iti amin a unit iti kapulisan nga adda pakainaigan iti imbestigasyon iti panangpatay iti US marine biologist a ni Dr. Kent Carpenter a paingeten pay ti manhunt operation kontra iti nabatbati a suspek iti krimen.
Naammoan nga immunan a kinemmeg dagiti otoridad ti tallo a suspek ti nasao a krimen idinto a ti maikapat met ket nabigbig dagiti otoridad a ni alyas Eden nga isu ti masapsapul iti agdama.
Ti nasao a maikapat a suspek ket isu iti nangala kadagiti natakaw a gamit ti biktima.
Segun ken ni Nartatez, napalaus iti ar-aramiden nga intelligence gathering kagiddan ti agtultuloy a pannakikammayet dagiti dadduma a police unit para iti naun-uneg nga imbestigasion iti kaso.
Impaganetgetna a saan nga agsardeng iti kapulisan agingga saan a makemmeg amin a karaman iti krimen ken madusa iti salinong ti linteg.
