Nakemmegen dagiti tallo a suspek iti panagdukot ken pammapatay ken ni Anson Que a maysa a Filipino-Chinese a negosyante ken ti driver-na.
Simmuko kadagiti otoridad ti maitudtudo a mastermind a ni David Tan Liao kalpasan a nakemmeg dagiti dua a kakunsabosna a da Richardo Austria David a nalatak kas Richard Tan Garcia ken Raymart Catequista idiay Roxas, Palawan idi April 18, 2025 iti alas tres iti parbangon.
Segun ken ni Philippine National Police Spokesperson Police Brig. Gen. Jean Fajardo, ti krimen ket naplanon idi pay laeng Enero.
Gapu dayta ket nakasoan dagiti suspek ti kaso a kidnap for ransom with homicide.
Saan pay nga ammo nu adda pakainaigan ti POGO operarions iti pasamak isu nga agtultuloy iti panagkalap iti PNP iti dadduma a posible a motibo iti krimen.
Ti pannakakemmeg kadagiti suspek ket dakkel nga addang para iti pannakaipaay iti hustisya kadagiti biktima.
