Impannakkel ti Philippine National Police ti 12.86 percent a bimmabaan ti focus crime kadagiti maudi a bulan ti tawen 2025.
Segun ken ni PNP Acting Chief PLT. Gen. Jose Melencio Nartatez Jr., bimmaba iti 2,615 ti crime rate incidents idi Nobiembre, manipud iti 3,001 a nairekord idi Oktubre.
Kadakkelan ti naikissay iti insidente ti rape, physical injury ken murder, kasta payen ti theft a maysa kadagiti kangrunaan a mabambantayan ita a holiday season.
Pinasingkedan ni Nartatez a daytoy ket panangipakita iti epektibo nga estratehia ti agdama a PNP kas ti patrol, intel-driven operations ken community engagement.
Kabayatanna, bimmaba ti insidente ti cybercrime, manipud iti 379 idi Oktubre ket bimmaban iti 311 idi Nobiembre – katukad iti 17.94 percent a panagbaba.
