Suportaran ni Philippine National Police (PNP) Chief PGen. Nicolas Torre III ti pannakapasa ti linteg a mangpababa ti tawen para ti criminal liability agingga addanton ti scientific basis-na.
Segun ken ni Torre, mangted iti pormal a takder iti PNP mainaig iti isyu babaen ti written paper ken ipadanonda iti Kongreso tapno maisayangkat iti panagbaliw kadagiti linteg a karaman mainaig dagiti agtutubo.
Kinunana nga adda dagiti panagadal a kasapulan a maikkan ti konsiderasyon mainaig ti age limits ken ammo dagiti agtutubo kangrunaan ita a nangato ti access da iti amin a klase ti impormasyon.
Kabayatanna, malaksid kadagiti ebidensya a nakabasar iti panagadal ken syensya ket impaganetget ni Torre a rumbeng nga ikonsiderar a maddaan ti panagadal nu ania ti pagbasaran ti Republic Act 9344 wenno ti Juvenile Justice and Welfare Act.
