Kinontra ni Philippine National Police Chief Police General Nicolas Torre III ti agwarwaras a damag a napilit dagiti pulis a mapan iti charity boxing match idiay Rizal Coliseum idi Domingo.
Segun ken ni Torre, ‘fake news’ ti post ni retired PBGen. Filmore Escobal, a nangipakita iti screenshot ti mapapati a text ken group chat messages a mangibagbaga a napilit dagiti pulis a mapan iti event uray no awan met ti nairuar a written order manipud iti National Headquarters.
Innayon ni Torre nga awan ti kinaagpayso dagiti pammabasul ni Escobal ta adu ti nagbuya ken nakuranganda pay iti ticket.
P300,000 ti naur-or manipud iti nasao a boxing march ken P16 million ti donasyon manipud iti panangabak ni Torre ‘by default’ ta saan a nagparang ti kalabanna koma a ni acting Davao City Mayor Sebastian Duterte.
