Impasigurado ni Philippine National Police (PNP) Chief Gen. Rommel Francisco Marbil nga agbalin nga apolitical ti PNP kagiddan ti panagsaganada iti panangisayangkat ti midterm elections inton Mayo.
Segun ken ni Marbil, ti apolitical stand iti PNP ket dakkel a tulong para ti police force nga agpokus iti mandato a panangimplementar ti mayataday a security measures ken dadduma a peace and order strategies.
Impasiguradona kadagiti Pilipino nga agtalinaed ti commitment ti PNP iti panangsalaknib iti biag, securing properties ken panangipatungpal ti paglintegan.
Idi pay laeng napan a tawen ket agsagsaganan ti PNP iti election security a nakairamanan ti agdama nga agresibo a kampania kontra loose firearms ken nabatbati a private armed groups kangrunaan idiay Mindanao.
Malaksid iti panagbalin nga apolitical ket ingkari ni Marbil nga agtultuloy iti panangiduronda ti modernisasyon iti PNP.
