Binilin ni PNP Chief Gen. Jose Melencio Nartatez Jr dagiti amin a unit commander a mangipatungpal iti nasapa a panagsagana ita nga umadani ti Semana Santa, ta manamnama ti kaadu manen ti tao iti pagilian.
Iti flag raising ceremony itay agsapa, kinuna ni Nartatez nga agsangpet dagiti pamilia nga agawid iti probinsia, dagiti deboto a dumar-ay kadagiti religious activities ken dagiti turista a mapan kadagiti nadumaduma a destinasion.
Gapu dayta, imbilin ti PNP chief ti dagus a pannakaadal iti operational plans, husto a panangiposision iti checkpoint ken panangikabil iti police assistance desk kadagiti transport terminal, kangrunaan a kalsada ken dadduma pay a convergence area.
Innayonna pay ti kinapateg ti maximum police visibility ken nainget a koordinasion kadagiti local government unit ken dadduma pay a partner agencies tapno masigurado ti kinaurnos ken kinatalged ti publiko.
