--Ads--
Pinalagipan ni Philippine National Police acting chief Lt. Gen. Jose Melencio Nartatez Jr. dagiti opisial a siguradoen ti kinatalged ti pamiliada kagiddan ti panangtungpalda kadagiti trabahoda iti baet ti bagyo Uwan.
Segun ken ni Nartatez, mangrugi iti pagtaengan ti panagsagana.
Binilinna dagiti regional, provincial ken station commander a palubosan dagiti nakadeploy a personnel a kitaen dagiti pamiliada bayat a pagtaltalinaedenda met ti kinasagana nga agresponde no adda emergency.
Tumultulong dagiti disaster response team ti PNP ken Reactionary Standby Support Forces iti rescue, evacuation ken relief operations iti pannakibinnulig iti National Disaster Risk Reduction and Management Council ken dagiti lokal a gobierno.
-- ADVERTISEMENT --
