VIGAN CITY – Bumisita inton July 1 ni Philippine National Police Chief Gen. Guillermo Eleazar ditoy probinsia para ti agtultuloy nga adbokasiyana a mareporma ti biang dagiti kapulisan.
Paset ti panagbisita ti PNP Chief ti intensified cleanliness policy program tapno mapagtalinaed ti linak ken talna ti komunidad ken pokus ti adbokasiyana dagiti street crime, cybercrime, health protocols ken ti kampania kontra Covid19.
Iti panagsangpet ti opisial ditoy probinsia ket naituding ti panag-courtesy call na ken ni Gov. Ryan Singson ken pannakitaripnongna kadagiti local chief executive.
Kalpasan ti dayta ket dumar-ay iti inauguration ti baro a PNP Station ti Bantay kasta payen ti pannakisinarakna kadagiti kameng ti media.
Maysa ti Ilocos Sur Police Provincial Office kadagiti bisitaen pay ti opisial para ti Region 1 visit-na sakbay ti panagsublina iti National Headquarters Camp Crame.
