--Ads--
Binilinen ni Philippine National Police Chief Lt. Gen. Jose Melencio Nartatez Jr ti PNP Anti-Cybercrime Group nga imbestigaranda ti peke a medical bulletin ni Presidente Ferdinand Marcos Jr.
Segun ken ni Nartatez, binilinna ti PNP-ACG a mangisayangkaten iti imbestigasion tapno mabigbig no asino dagiti responsable iti pasamak.
Agpada a pinaglibakan ti Malakanyang ken St. Luke’s Medical Center ti dokumento a nagwaras, kasaruno ti panagsagaba ti presidente iti diverticulitis.
Impasigurado met ni Executive Secretary Ralph Recto nga adda iti natalged a kasasaad ti presidente ket agtultuloy ti normal nga aktibidadna iti sumaruno a lawas kalpasan ti panaginanana.
-- ADVERTISEMENT --
