Inallukoy ti Philippine National Police dagiti organizer dagiti kilos-protesta iti maikalima nga State of the Nation Address ni Presidente Ferdinand Marcos Jr a makibinnulig kadagiti otoridad ken tumulong iti panangipasigurado dagiti makipaset.
Segun ken ni PNP Chief Gen. Jose Melencio Nartatez Jr., nasken a mangala dagiti organizer iti kasapulan a permit ken makitinnulong kadagiti lokal a gobierno ken kapulisan tapno masigurado ti panangsurot kadagiti regulasion, kinatalged ti publiko ken seguridad.
Mapatta-patta a 20,000 a pulis ti maideploy iti maikalima a SONA inton Hulyo 27 kagiddan ti manamnama a protesta ken dadduma pay a pampubliko nga aktibidad.
Agsagsagana payen ti PNP kadagiti operasion a pang-seguridad para iti maika-112 nga anibersaryo ti Iglesia ni Cristo kagiddan ti tinawen a SONA.
