Impasigurado ti Philippine National Police nga agtalinaed ti panagridamda tapno malabanan dagiti online scam nangruna ita nga umadani ti Paskua.
Segun ken ni Acting PNP Chief Lt. Gen. Jose Melencio Nartatez Jr., amin a kameng ti kapulisan ket naka-alerto tapno masalwadan ti publiko ken madusa dagiti agar-aramid iti online scams.
Maibasar iti PNP Anti-Cybercrime Group (ACG), addan ti nakurang 4, 000 a kaso ti online scams a nairekord ita a tawen, nababbaba ngem ti 7, 081 a kaso idi 2024.
Uray pay nababbaba ti bilang tatta a tawen, pinasingkedan ni Nartatez a ti mission ti PNP ket salwadan ti publiko ken masigurado a madusa dagiti managgundaway.
Pakdaar ti PNP chief iti publiko nga agbalin a naannad iti online transactions ken saan a dagus a mamati kadagiti makitkita iti internet. /Reynand Fontejon
