Obligado dagiti kameng ti Philippine National Police (PNP) nga ideklarar nu adda kabagyanda nga agpaidasig inton 2025 midterm elections.
Segun ken ni Philippine National Police-Public Information Office (PNP-PIO) Chief Police Colonel Jean Fajardo, paset iti Standard Operational Procedure-da tapno saan a maaramat dagiti polis kadagiti political agenda.
Isaysayangkaten ti imbentaryo ti Directorate for Personnel and Records Management tapno maiyakar iti place of assignment dagiti polis nga adda kabagyanna a tumaray inton eleksyon.
Apaman a malpas iti eleksyon ket agsubli met laeng dagiti polis kadagiti respective units-da.
Impa-recall payen ti PNP amin a police escorts a nakadeploy kadagiti politicians ken private individuals a kandidato iti 2025 elections.
