Naka-heightened alert ti Philippine National Police (PNP) ti intero a pagilian kasangwanan iti panagrugi ti Simbang Gabi inton December 16.
Minilion a Katoliko nga agpammati iti manamnama nga umatendar iti parbangon ken rabii a misa agingga inton Paskua.
Iti salinong ti Ligtas Paskuhan 2025, nasurok 70,000 a police personnel iti maideploy kadagiti simbaan ken dadduma a busy areas tapno masigurado iti kinatalged dagiti makimisa.
Segun ken ni PNP Acting Chief Lt. Gen. Jose Melencio Nartatez Jr., ti security measure ket pakairamanan iti nainget a foot patrols, checkpoints ken mobile patrols, kasta pay iti nainget a koordinasyon kadua ti local government units, barangay officials ken church authorities para iti crowd control ken emergency response.
Binilinna pay ti police commanders iti intero a pagilian a siguradoen a natalged dagiti simbaan ken kaasidegan a convergence areas kangrunaan kadagiti masansan a papanan dagiti churchgoer kalpasan iti misa.
