Ad-adalen ti Philippine National Police ti gakat a mang-painget kadagiti agtutubo nga agaramat ti social media.
Ti nadakamat a gakat ket rimsua iti naisayangkat a 44th ASEANAPOL Conference no sadino dagiti lider ti kapulisan ket nagsisinnukat ti opinion iti kumarkaro a security threats a karaman dagiti agtutubo ken cyberspace.
Pinasingkedan ni PNP chief Police General Jose Melencio Nartatez Jr., kayat da a tuladen ti impatungpal ti Australia.
Karaman iti natratar iti nasao a conference ti napasamak a pammaltog iti uneg ti pagadalan idiay Tacloban City no sadino karaman dagiti agtutubo.
Innayon pay ni Nartatez a kalpasan ti taripnong kadagiti kabangibang a pagilian kasta met ti sumagmamano a pannakipatang ket adda dagiti linteg nga ikonkonsiderar ti pagilian a maipatungpal.
