--Ads--
Umabot iti uppat a pulo nga adda panaglabsingna iti nadumaduma a cybercrime law ti kinemmeg ti Philippine National Police-Anti Cybercrime Group iti uneg ti maysa lawas nga operasionda.
Segun ken ni PNP-ACG Police Brig. Gen. Bernard Yang, karaman kadagiti nakemmeg ket manipud iti tallopulo ket uppat nga entrapment operation idinto nga innem dagiti wanted person a nasarakanda babaen iti cyber patrolling-da manipud Agosto 22 agingga 28, 2025.
Innayon ni Yang a walo a suspek nga adda pakainaiganna kadagiti cybercrime related cases ti sinentensyaan ti korte.
Ti maysa lawas nga operasyon ti PNP-ACG ket nagresulta kadagiti sangapulo ket dua a cyber warrants, panagipila iti 27 a kaso ken 24 nga inquest proceedings.
-- ADVERTISEMENT --
