Saan laeng a para kadagiti public official iti kaso a plunder ta mabalin pay a kadagiti private individual a nakipartisipar iti nalawa a korapsyon.
Iti pannaki-uman ti Bombo Radyo Vigan ken ni Atty. Agnes Linglingen-Dagian, iti salinong ti Republic Act 7080 wenno Anti-Plunder Act ket isu iti mangdusa kadagiti opisyal a korap wenno nagala iti kuarta iti gobierno para iti bukodda nga interes.
Segun ken ni Atty. Agnes, siasinoman a naipatugaw iti gobierno babaen ti kontrata, eleksyon ken appointment ket mabalin a makasoan ti plunder ken uray dagiti pribado a tao no nakipasetda iti krimen a maikontra iti national economy.
Inlawlawagna iti uppat nga essential elements iti plunder case a masapul a paneknekan dagiti prosecutor tapno maibilang a guilty ti maysa a tao iti nasao a kaso.
Dayta ket babaen ti panagbalin a Public Officer ti karaman iti krimen; Combination wenno Series of Acts a nakaurnongan iti kinabaknang babaen ti patterned series wenno kombinasyon iti overt criminal acts; ti Monetary Threshold a rumbeng a na-accumulate iti kuarta iti nasursurok ngem iti P50 million ta no nakurang P50 million ket posible a ma-dismiss laeng iti kaso; ken maudi ti Ill-gotten wealth wenno ti opisyal ket nakaala iti assets, sanikua wenno business interest babaen ti unlawful means.
