--Ads--
VIGAN CITY – Addan ti baro a mangidaulo iti Vigan City Police Station ta sinukatanen ni PLTCOL Reynaldo Mendoza Jr ni outgoing PLTCOL Rogelio Remiendo Jr babaen iti naisayangkat a turnover of command ceremony.
Ti seremonya ket naimatangan da Police Provincial Director Darnell Dulnuan ken ni Mayor Bonito Singson.
Iti panagdiskurso ni Mendoza, nagyaman iti pannakapilina kas mangidaulo ken ti pannakaited kenkuana ti gundaway nga agserbi kagiddan ti panangikarina nga aramidenna no ania ti nalinteg ken patas.
Kabayatanna, pakaragsakan met ni Remiendo iti panagserbina iti Vigan City Police Station ket ibilangna a ti panagrikep iti daytoy a pagteng iti biagna ket katukadna dagiti baro nga oportunidad.
-- ADVERTISEMENT --
