VIGAN CITY- Patien ti Commission on Election a saan a maigiddan iti sagsaganaan da a 2019 midterm elections ti referendum wennu panagbotos dagiti umili nu anamongan da wennu saan iti panagsukat iti sistema iti gobierno nga agturong ti pederalismo.
Ti pannaki-uman ti Bombo Radyo Vigan ken ni Commission on Elections Spokesman James Jimenez, inbaga na a nu maigiddan iti referendum iti 2019 midterm elections, nadaras laeng a mainayon iti pagbotosan dagiti umili ngem dakdakkel iti tsansa a maisayangkat iti agsina a plebisito ken midterm election gapu ta agduma iti timetable a naisagana para kadagiti nasao a banag.
Kabayatanna, innayon ni Jimenez a ti COMELEC iti mangimaneharen iti eleksyon nu pay dagiti makina a maaramat ket ginatang da ti Smartmatic isu nga awan iti rumbeng a pagdanagan dagiti umili inaig iti posible a panagswitikan.
