--Ads--
Impaganetget dagiti kongresista nga ‘unconstitutional’ wenno panaglabsing iti konstitusyon ti plano ti Senado nga idismiss ti impeachment case a sangsangwen ni Vice President Sara Duterte.
Segun ken ni House Prosecutor ken Manila Rep. Joel Chua, nalawag iti konstitusyon a mandato ti Senado, kas impeachment court, a mangisayangkat iti trial sakbay nga agdesisyonda no maibasura wenno saan ti impeachment case.
Para met ken ni Gabriela Rep. Arlene Brosas, saan a kaawat-awat ti plano ti Senado.
Kabayatanna, para met ken ni Kabataan Partylist Rep. Raoul Manuel, nakababain kas Pilipino ti tignay dagiti senador a koma ket saan laeng nga agsapata iti posisyonda no di ket kabaelanda nga akman dagiti pagrebbenganda.
-- ADVERTISEMENT --
