Vigan City – Pinasingkedan ni Provincial Board Member Gina Cordero a naisayangkat iti session dagiti bokal idi martes kaduada ni Gov. Ryan Singson iti plano tapno mapasayaat iti probinsia.
Segun kenni Cordero, nadutukanda iti nadumaduma a komite ket pinawaywayan isuda ni Gov Singson agingga inton June 5 tapno mangted iti kapanunotanda inaig iti road to recovery kangrunaan iti turismo iti probinsia.
Nakunana a no man pay awan pay iti bilin manipod iti Secretary iti Tourism ket kayatda a pagpukosan iti panangited iti tulong kadagiti naapektaran iti pagsapulanna inaig iti turismo kangrunaan dagiti agkalkalesa babaen iti panagseminarda.
Kabayatanna, kinunana pay a maisayangkat inton madamdama iti meeting iti biang iti Department of Trade and Industry a nakadutukanna a komite ken inton sumaruno a lawas iti Department of Tourism para iti naan-anay a plano para iti pagsayaatan iti probinsia ket impanamnamana met a maipakammonto no ania iti mapagsasartitaan.
