Imbutaktak ni Ramil Madriaga, ti nagpayam-ammo a bagman ni Vice Presidente Sara Duterte, ti mapapati a panangpaikkat ni Presidente Ferdinand Marcos Jr. no saan nga agikkat iti puesto iti tawen 2025.
Iti supplemental affidavit a naiparang iti House Justice Panel ita nga aldaw, inakusaran ni Madriaga ni dati a Presidente Rodrigo Duterte a mapapati a nagplano kadagiti addang kas ti kudeta wenno assassination, agraman ti civil disobedience, mass resignation dagiti opisial, ken posible nga aramado a panagatake idiay Malakanyang.
Segun ken ni Madriaga, adda plano a nabukel idi 2021 iti nagbaetan ti kampo da Marcos ken Duterte nga agikkat iti puesto ti Presidente idi 2025 tapno ikkan gundaway ti panagbalin a presidente ni VP Sara.
No saan a matungpal, napagpatangan met ti nadumaduma a wagas tapno maikkat ti presidente, agraman ti panangsabotahe iti administrasionna ken ti panangipila iti impeachment case babaen iti isyu ti korapsion.
