VIGAN CITY – Pinasingkedan ni Sta. Maria Mayor Boy Camarillo a matuloy ti panagpiesta ti ili uray nu adda pangta ti coronavirus disease 2019.
Segun ken ni Camarillo, tinawen a tallo a piesta ti rambakan ti nasao nga ili a kas ti Balikutsa Festival a kangrunaan a pakabigbigan ti ili agsipud ta ti balikutsa ket maibilang kas naidumduma gapu ta ti laeng ili ti Sta. Maria ti agar-aramid ti balikutsa iti intero a pagilian.
Malaksid ti Balikutsa Festival a maselebraran inton Abril, adda pay ti Piyesta ni Apo Sta. Maria a patron ti ili inton Agosto a marambakan ken Children’s Festival iti kada bulan ti Disyembre.
Mangrugi inton April 12 ti Balikutsa Festival ket paset kadagiti aktibidad a maisayangkat ti Miss. Sta. Maria, street dance ken float competition.
