Kinumpirmaran ti PDDRRM Nueva Vizcaya a pito nga agkakapamilia iti natay gapu ti Bagyo Pepito idiay Labang, Ambaguio, Nueva Vizcaya.
Segun ken ni King Webster Balaw-ing Chief iti PDRRM, pimmanaw iti dua a pamilia manipod iti pagtaenganda ken nagturong iti maysa pay a pagtaengan ngem isu metten iti nagaburan iti landslide.
Karaman kadagiti natay iti agtawen iti sangapulo ket walo a babai, agtawen iti sangapulo ket innem a lalaki, agtawen iti sangapulo ket tallo a lalaki, agtawen ti walo a babai, agtawen iti sangapulo ket tallo a lalaki, agtawen iti sangapulo ket uppat a lalaki ken agtawen iti sangapulo ket dua a lalaki.
Dagiti nakalasat ket ti agtawen iti uppat a pulo a babai ken lalaki, ken maysa nga agtawen iti uppat a lalaki a naipaagas kadagiti ospital idiay Bayombong.
