VIGAN CITY – Panaglabsing iti Cockfighting Law of 1974 ti sangwen dagiti nakemmeg a nagtatadi ti natiliw idinto a nakalibas dagiti dua idiay Barangay Bongtolan, Vigan City.
Dagiti suspek ket da Marlewee Cayabyab, agtawen iti tallopulo ket dua; Bernardino Castillo, agtawen iti limapulo ket uppat; Usman Ariman, agtawen iti tallopulo ket uppat nga agpapada a taga-Bongtolan.
Ni Allan Fabillaran, agtawen iti tallopulo ket pito, mannalon; Carlos Fabillaran, agtawen iti limapulo nga agpada a taga-Cabaroan Daya ken ni Romel Pisalbo, agtawen iti tallopulo ket lima a taga-San Jose.
Dagiti met nakalibas ket da Dolphy Castaneda ken ni Marlon Tacdol nga agpada a taga-Bongtolan.
Naisayangkat ti anti-illegal gambling operation a nakatiliwan dagiti suspek nga agtatadi ket naala kadakuada ti pito a manok a pangtadi, sangapulo ket uppat a gaffing knives ken pusta a PHP2,710.
Nakakustodian dagiti suspek iti Vigan City Police Station para ti pannakaidalanda iti husto a proseso.
