VIGAN CITY – Pito a nagsusugal ti natiliw iti Anti-Illegal Gambling operation a naiwayat idiay Brgy. Salomague, Cabugao.
Nabigbig dagiti suspek a da Jonathan Soller, agtawen iti tallopulo ket walo a taga-Brgy. Turod; Benedict Piamonte, agtawen iti duapulo ket innem; Phillip Anthony Valle, agtawen iti duapulo ket tallo; Jerwin Valdez, agtawen iti duapulo ket dua; Rogelio Garcia, agtawen iti limapulo ket uppat; Jerry Alcain, agtawen iti limapulo ket lima; ken ni Elvis Tisbe, agtawen iti limapulo ket walo, agpapada a mangngalap nga agnaed iti Brgy. Salomague.
Naaktuan dagiti suspek nga agaayam iti Lucky 9 iti natayan ket naala kadakuada ti maysa a set ti baraha ken pusta a PHP1,160.
Addan iti Cabugao Police Station dagiti ebidensya a naala ken dagiti suspek tapno maidalan iti husto a proseso.
