--Ads--
Pito a nagsusugal ti nakemmeg idiay San Nicolas, Candon City, Ilocos Sur babaen iti naiwayat nga Anti-Illegal Gambling Operation.
Iti pannaki-uman ti Bombo Radyo Vigan ken ni PLT. Jovelyn Antalan, maysa kadagiti suspek ti datin a nakemmeg gapu met laeng iti sugal.
Ti met laeng pagtaengan ti maysa kadagiti suspek ti nagsusugalanda a maibilang nga adda iti nasulinek a lugar ken asideg ti kataltalunan.
Ngem babaen iti maysa a concerned citizen a nangipakaammo iti iligal nga aramid dagiti suspek ket dagus met a nagtignay dagiti pannakabagi ti linteg.
-- ADVERTISEMENT --
Naaktuan dagiti suspek a nagaayam it Pusoy Dos ket naala kadakuada ti baraha, ken P831 a pusta.
Nakakustodian dagitoy iti Candon City Police Station tapno dumalan iti husto a proseso.
