VIGAN CITY – Pito ti nakemmeg a nagsusugal idiay Barangay Raois, Vigan City, Ilocos Sur.
Manipud iti table 1 da Queenie Castillo Amate, agtawen iti duapulo ket siam; Ramzy Tabaday Castillo, agtawen iti tallopulo; Roland Feranil Reynon, agtawen iti sangapulo ket walo, agpapada a taga-Raois, Vigan City; ken ni Angelo Recaido Reotutar, agtawen iti duapulo ket innem, taga-Barangay Cabuloan, Sta. Catalina.
Manipud iti Table 2 met da Elsa Bugtong Santos, agtawen iti pitopulo ket walo; Carmelita Alimboyogen Mangampo, agtawen iti pitopulo ket lima; ken ni Maria Cristina Labrador Florendo, agtawen iti limapulo ket dua, agpapada a taga-Barangay Raois, Vigan City.
Naduktalan ida nga agaayam iti pusoy ken tong-its.
Naala kadakuada ti dua a set ti baraha ken pusta a PHP1,499
Sangwenda ti kaso a panaglabsing iti Presidential Decree 1602 wenno ti Anti-Illegal Gambling Act.
