VIGAN CITY – Pito a tao iti natakuatan a nagsusugal idiay Brgy. Nalasin, Santiago idi August 30.
Iti pannaki-uman ti Bombo Radyo Vigan ken ni PLt. Rodel Ragasa iti Santiago Police Station, adda nangipakammo kadakuada nga adda iti agayay-ayam iti pusoy dos iti nasao a barangay isu a tinurongda ket nakitada dagiti agsusugal.
Segun ken ni Ragasa, dua a lamissan iti inaramat dagiti nakemmeg a da Teddy Rendon, agtawen ti limapulo ket maysa, naasawaan nga agnaed idiay Baybayabas; Alfred Locquiao, agtawen ti limapulo ket innem, naasawaan nga agnaed idiay Brgy. Nalasin, Santiago; Peter Santos, agtawen ti uppat a pulo ket innem, baro nga agnaed idiay Brgy. Mambug, Boyet Quines, agtawen ti uppat a pulo ket tallo, naasawaan nga agnaed idiay Brgy. Mambug; Elizabeth Edeleon, agtawen ti innem a pulo ket innem, naasawaan; Teresita Locquiao, agtawen ti innem a pulo ket dua, naasaan nga agpada nga agnaed idiay Brgy. Nalasin ken Jay Carl Bajet, agtawen ti duapulo ket dua, baro nga agnaed idiay Brgy. Mambug, Santiago.
Naala kadakuada iti dua a set ti baraha ken ti pusta a walo gasut uppat a pulo ket tallo a pisos.
Kabayatanna, kaso a panaglabsing iti Presidential Decree 1602 iti sanguen dagiti suspek.
