Pito a lugan iti karaman iti aksidente iti Rizal St., Vigan City, Ilocos Sur iti oras ti ala una singkwentay singko iti malem idi kalman, June 5, 2025.
Dagiti karaman a lugan ket ti electronic bicycle a minaneho ni Rosebelle Ballaois, 39 years old, naasawaan, barangay healthcare worker nga agnaed idiay Barangay 4, Vigan City; ti nagmaneho ti blue Honda Civic a ni Rachel Anne Vivit, 35 years old, naaasawaan, awanan ti trabaho nga agnaed idiay Barangay Camestizooan, Sto. Domingo; ti nag,aneho iti tricycle a ni Ruben Rabino Albero, 54 years old, naasawaan, tricycle driver nga agnaed idiay Barangay Bulala, Vigan City; ti nagmaneho iti black Yamaha NMAX a ni Josefino Camangay Baldovino, 28 years old, negosyante nga agnaed ita idiay Barangay Bantaoay, San Vicente kaduana ti pasaherona a ni Pat Roselle Halover, 29 years old, PNP Member iti Vigan City Police Station ken agnaed idiay Brgy. Bantaoay, Vigan City; ti nagmaneho iti white Honda beat a ni Reymark Pagud Araña, 29 years old nga agnaed idiay Sagsagat, San Ildefonso kaduana ti pasaheronba a ni Ruzzete Garcia Ablog nga agnaed idiay Barangay Mindoro, Vigan City; sabali pay a tricycle a minaneho ni Maeelan Jhon Rane Aguinir, 43 years oldd, naasawaan, tricycle driver nga agnaed idiay Barangay Pantay Fatima, Vigan City; ken ti nagmaneho ti gray Nissan Terra a ni Joseph Ryan Lualhati Aquino, 50 years old nga agnaed idiay 42 Lime St., SSS Villa, Marikina City, Metro Manila, 2nd District.
Iti pannaki-uman ti Bombo Radyo Vigan ken ni PLt. Marlyn Alcala manipod Vigan City Police Station, bayat ti panagpalaud ti e-trike iti intersection iti Burgos St. corner Rizal Street ket nakasardeng a nakasango iti bagatan dagiti lugan a Honda Civic, tricycle, Yamaha NMAX, Honda Beat ken maysa pay a tricycle idin kellaat a dimmarusdos ti Nissan Terra kadagiti luglugan nga adda iti sangwananna.
Segun ken ni Alcala, imbes a preno iti baddekan ti driver ti Nissan terra ket saan ta accelerator iti naibaddekna isu a natukbobna dagiti lima a lugan iti sangona.
Posible a nabannog ti driver ti Nissan Terra a naggapu iti biahe manipod Ilocos Norte ta mapapati nga agawid koman idiay Manila ngem dimmagas laeng iti siudad ti Vigan ta mapan mangan ken gumatang iti longganisa.
Dagiti nadunor a driver ken pasahero ket pakairamanan ti nagmanego iti tricycle a ni Ruben Albertto, Yamaha NMAX, Honda beat ken ti sabali pay a driver iti tricycle a minaneho ni Maeelan Jhon Rabe Aguinir nga agpapaagas pay laeng ita iti Ilocos Sur Provincial Hospital Gabriela Silang ken Metro Vigan Cooperative Hospital para iti pannakatamingda.
Saan pay a nakapagsasarita dagiti karaman iti aksidente ngem manamnama iti panagsettle da iti nasao a pasamak.
Palagip ni Alcala kadagiti amin nga agmanmaneho nga agannad iti panagmaneho ken maaddaan iti safety measures tapno nu kas bilang adda aksidente ket saan unay a nakaru iti sagrapen.
VIDEO – PLT. MARLYN ALCALA
