VIGAN CITY – Agpapada a taga-Candon City dagiti pito iti nakemmeg idiay Brgy. Gabao, Santiago gapu iti ilegal a panagkalapda iti Sanctuary iti nasao a lugar.
Iti pannaki-uman iti Bombo Radyo Vigan ken ni PLt. Godofredo Ribuyaco, OIC iti Santiago PNP, panaglabsing iti RA 8550 iti naipila kontra kadagiti suspek a da Jerry Gaoat, 32 y/o, naasawaan, Roland Gaoat, 35 y/o, naasawaan, Isagani Gamilde, 56 y/o, naasawaan, Ramon Gaoat, 54 y/o, naasawaan, Mario Gaoat, 48 y/o, naasawaan, Charito Gaoat, 54 y/o, naasawaan, mannalon nga agpapada nga agnaed idiay Brgy Caterman, ken Emmanuel Gaoat, 36 y/o, naasawaan, mannalon nga agnaed idiay Brgy Tablac, Candon City.
Segun ken ni Ribuyaco, ti papanda idaiy Santiago nga awan iti permitda a panagala iti ikan ket maibilangen a panalabsing iti linteg.
Naala kadakuada iti saggagaysa a sunggapong ken alat kasta pay iti nasurok kumurang tallo a kilo iti nadumaduma nga ikan.
Kabayatanna, pinalagipan ni Ribuyaco dagiti amin nga agindeg nga ipakammoda nga insigida kadakuada no adda iti illegal nga aramid a maisaysayangkat iti lugarda.
