--Ads--
VIGAN CITY – Pito a kalding a kukua ni Roselily Hafallah ti mapapati a natakaw manipud iti kolarna idiay Barangay Dumacuag, Sta. Lucia.
Iti pannaki-uman ti Bombo Radyo Vigan ken ni Hafallah, malem iti Domingo ket kompleto pay laeng dagiti kaldingna idi napanda pinakan ngem iti kabigatanna, isun ti pannakaduktalda nga awanen dagiti kalding.
Dagiti natakaw ket pakairamanan ti maysa a turo ken innem a babbai a ti dua kadagitoy ket masikog.
Atapen ni Hafallah a rabii ti Domingo iti pannakatakaw dagiti tarakenna a kalding ngem awan metten ti nakadlaw a kalugaranda.
-- ADVERTISEMENT --
Innayonna a damona laeng iti matakawan ngem iti sabali a barangay ket adda met laeng dagiti mataktakawan.
