Posible a makitan kadagiti baro nga US dollar bill ti pirma ni US President Donald Trump kadagiti sumarsaruno a bulan.
Segun ti US Treasury Department, dayta iti kaunaan a gundaway iti pakasaritaan a ti agdama a presidente nga adda pirmana iti papel a kuarta ti Amerika.
Iti baro a design notes, a maisagsagana kas panangrambak iti maika-250 nga anibersaryo iti waya-waya iti Amerika ket maikkat payen iti kaunaan a gundaway iti uneg iti 165 a tawen ti pirma ti US treasurer.
Awan met iti panagbaliw iti disensyo ti bill malaksid laeng iti pirma.
Ti umuna a $100 bills ket adda pirma ni Trump ken ni Treasury Secretary Scott Bessent ket mai-print inton Hunyo ken maisaruno iti dadduma a denominasyon kadagiti sumarsaruno a bulan.
Kinuna ti treasury a posible nga umabot iti mano a lawas sakbay a rumuar dagitoy kadagiti bangko.
