--Ads--
Binalakadan ti Philippine Embassy idiay Amerika dagiti Pilipino nga iligal ti kasasaadna iti nasao a pagilian a makikammayet kadakuada kasaruno iti addang ti administrasyon ni Presidente Donald Trump a pabilgen ti panangtiliw kadagiti iligal nga imigrante.
Segun ken ni Philippine Ambassador to the US Jose Manuel Romualdez, mapatta-patta a 350,000 a Pilipino ti iligal nga aggigyan idiay Amerika.
Inyunay-unay ni Romualdez dagiti mabalin a pakadanagan kadagiti Pilipino a nabayagen nga aggigyan idiay Amerika, dagiti adda pamiliana ken dagiti mangisaksakad iti biagda.
Kunana pay nga adda legal a wagas a mabalin a suroten ken adda grupo iti komunidad dagiti Filipino-American a nakasagana a mangtarabay.
-- ADVERTISEMENT --
