Patien ni Bombo International News Correspondent Rene Ballenas nga adda idiay Amerika, a ti pananganamong ni US Pres. Donald Trump iti dua a lawas a ceasefire iti Iran ket tapno maikkanda iti gundaway nga agpanunot kadagiti kiddawna.
Iti pannaki-uman ti Bombp Radyo Vigan ken ni Ballenas, iti baet a kayat ni Trump nga idemolish iti rangtay ken planta iti kuryente iti Iran ket pinilina nga immanugot iti singasing ti Pakistan Prime Minister Shehbaz Shariff a maddaan iti 2 a lawas a panagsardeng ti rinnupak.
Segun ken ni Ballenas, dua laeng iti kidkiddawen ni Trump iti Iran nga isu iti pannakailukat ti Strait of Hormuz para kadagiti barko iti US ken pannakadadael ti nuclear weapons capabilities-da tapno agsardengen ti rinnupak ngem gapu ta saan nga uman-anamong iti Iran ket isu a mapilpilitan ti US a mangipatpatungpal kadagiti saan a rumbeng.
Namnamaen met ni Ballenas nga ita a naipatungpal ti 2-week ceasefire ket mailukat iti Strait of Hormuz para kadagiti barko iti US ken nawaya amin a dumalan tapno awanen iti madangran pay.
