VIGAN CITY – Nagsublin iti panagsanay dagiti Pinoy boxers a makipaset ti qualifying rounds ti Tokyo 2020 Olympics kalpasan iti sumagmamano nga aldaw a panaginana da gapu ti holiday break.
Dayta iti kinumpirmaran ni coach Elmer Pamisa a maysa kadagiti coach ti national boxing team iti pannaki-uman kenkuana ti Bombo Radyo Vigan.
Segun ken ni Pamisa, tatta nga aldaw a panagsubli dagiti atleta agingga iti aldaw a papan da idiay Thailand para iti naing-inget a panagsanay da ket agtalinaeden idiay Rizal Memorial Sports Complex dagiti atleta.
Ti kampanya ti national boxing team para iti qualifying rounds iti nasao nga olympiada ket buklen ti pito a lallaki a boksingero ken tallo a babbai.
Ti qualifying rounds ket maisayangkat inton February 4 agingga February 20 idiay China.
