VIGAN CITY – Manarimaanen iti panagsanay idiay Rizal Memorial Sports Complex dagiti sangapulo a boksingero a makisalip para ti qualifying rounds ti Tokyo 2020 Olympics inton February 4 agingga February 20 idiay China.
Ti pannaki-uman ti Bombo Radyo Vigan ken ni Elmer Pamisa, maysa kadagiti coach ti national boxing team, inpeksa na iti dakkel a namnama na nga agballigi dagiti sangapulo nga atleta a sansanayen da para ti olympiada, nangruna ni Felix Marcial kenni Carlo Paalam.
Dagiti makaala ti bronze, silver ken gold medal iti umuna a qualifying match iti siguradon a makastrek iti Tokyo Olympics inton umay a tawen idinto a dagiti saan a mapagasatan ket addan to pay namnama da iti maikadua a qualifying match ngem dagitin to laengen makaala ti balitok ken silver medal iti makastrek iti olympiada.
Agsipud iti dayta, inbalakad ni Pamisa kadagiti atleta a masapul nga ipapati da iti agsanay tapnu sigurado a makastrek dan iti olympiada babaen ti umuna a qualifying tournament.
