Adu ti kimmablaaw manipud iti nadumaduma a boksingero ti pagilian ken ni Pinoy super bantamweight champion Carl Jammes “Wonder Boy” Martin a ngimmato ti ranking-na iti World Boxing Organization.
Maibasar iti nairuar a ranking ti WBO ket maikadua ti boksingero manipud iti Lagaw, Ifugao idinto nga umuna latta iti puesto ni Japanese sensation Naoya Inoue ken adda iti maikatlo a puesto ni Sam Goodman.
Ni Martin ket adda duapulo ket uppat a pangabakna, awan pay abak, ken sangapulo ket siam a knockouts, ni Inoue ket adda 28 a pangabakna, awan pay abakna idinto a ni Goodman ket adda sangapulo ket siam a pangabakna ken awan pay abakna.
Dakkel a karit ita para ken ni Martin a maartapan ni Inoue nga undisputed champion iti uppat a major title iti WBO, WBC, IBF ken WBA.
