VIGAN CITY– Patien ti maysa nga opisyal ti Philippine Sports Commisison (PSC) a naswitik dagiti Pinoy Athletes a nakisalip ti 29th Southeast Asian Games idiay Kuala, Lumpur, Malaysia.
Iti pannakainnuman ti Bombo Radyo Vigan kenni PSC Commisisoner Celia Kiram, nakuna na a nalawag nga adda iti napasamak a panagswitikan iti SEAG isu a saan a naartapan ti Philippine Team ti 29 gold medal a naala na idi 2015 SEA games idiay Singapore.
Masdaaw ni Kiram no apay a kadagiti sports a kanayon nga idauluan ti Pilipinas kas ti taekwondo ken karate ket awan uray maysa a gold ti naibulsa da.
Gapu iti daytoy patien ti PSC commissioner nga awan iti rebbeng a pabasulen no apay a basbassit ti gold medal itatta a 24 ta inted amin dagiti atleta ken sports officials ti kabaelan da tapno agballaigi iti SEA Games.
