VIGAN CITY- Rimmuar ti maysa a survey a ti Pilipinas ket maysa kadagiti pagilian nga addaan kadagiti kapipintasan a babbai iti Asia.
Maikapat ti Pilipinas iti report a “20 Countries with the Most Beautiful Women in Asia” nga inruar ti financial website nga Insider Monkey.
Ti South Korea iti immuna ti listaan, a gagangay ti plastic surgery, ken dumaldalan iti beauty enhancement procedure.
Segun ti Insider Monkey, iti kangatuan a score ket 1, ken iti panagadal ket naibasar kadagiti scores manipud nadumaduma a sources babaen ti panagusar ti “consensus-driven approach” tapno maamuan dagiti rankings.
Nakagun-od ti Pilipinas iti iskor a 0.85, ken ti Pilipinas ket pagaammo iti Asian ken Spanish features.
Kabayatanna, dagitoy ti top 20 a pagilian nga addaan kadagiti kapipintasan a babbai iti Asia.
South Korea, Japan, Vietnam, Pilipinas, Iran, Malaysia, India, China, Singapore, Thailand, Indonesia, Hong Kong, Macau, Bhutan, Taiwan, Kazakhstan, Sri Lanka, Pakistan, Myanmar, Laos.
