Natay ti maysa nga agtawen iti innem a pulo ket dua a Pinay caregiver nga agawid kuman dituy Pilipinas kalpasan a nairaman iti karambola dagiti tallo a lugan idiay Taiwan.
Nabigbig ti biktima a bi Ebella Escolonia Cortes, mapan kuma iti airport kadua dagiti dua nga amo na Pilipino idi mapasamak ti aksidente.
Segun iti report, nagsardeng ti van da iti highway kalpasan a mairaman iti maysa a panagdinnungpar.
Kabayatan nga agpapatangan iti abay dagiti dua a lugan dagiti dua a driver, kellaat a dinungpar isuda iti maysa pay a kotse.
Natay dagiti dua a driver nga agpapatangan kabayatan a napurwan met ni Cortes nga adda iti uneg ti van.
Naammuan a nadunor dagiti dua nga amo ti Pilipina caregiver ken adda dan iti agdama ti nasayaat a kasasaad.
Nagpanawagan met ti hustisia ti anak ni Cortes a ni Roy ken kiniddaw na a madusa ti responsible a pannakatay ti ina-na.
