VIGAN CITY – Nakikaysa ti Provincial Government of Ilocos Sur iti Department of Health- Ilocos Region iti regionwide covid-19 booster vaccination babaen ti panangirusat ti “PinasLakas” a naisayangkat idiay Provincial Farmers Livelihood Development Center.
Ti PinasLakas ket maysa a national vaccination drive tapno maiyetnag ti covid-19 booster shots para kadagiti eligible population tapno makaipaay iti nayon a salaknib kontra iti virus.
Ti addang pay ket kas panangsurot ti bilin ni President Ferdinand Bongbong Marcos Jr. inaig ti COVID-19 Mass Vaccination para iti umuna a sangagasut nga aldaw-na iti akem ta targetda a mabakunaan iti siam a pulo a porsiento a senior citizen tapno makumpleto iti umuna ken maikadua a bakunada ken panangipaay ti booster shots iti 50% kadagiti agtawen iti sangapulo ket dua agingga agpangato.
Nakipaset iti pannakairusat ti PinasLakas ni Governor Jerry Singson nga inrepresentar ni Provincial Administrator Mr. Marlon Tagorda, Vice Governor Ryan Singson, Sangguniang Panlalawigan Member and Committee on Health Chairman Ericson Singson, DOH Provincial Director Eng. John Foz, Provincial Health Officer Dr. Trina Talaga, ken mangidaulo kadagiti opisina ken emplyado iti PGIS.
Kabayatanna, target ti Department of Health – Ilocos Region ti 1.7 million nga eligible individual iti rehiyon.
